ശങ്കരപ്പള്ളി

കടല്‍ കടന്നു വരുമ്പോള്‍
നിന്റെ സംസാരം കടലിനക്കരെയെക്കുറിച്ചായിരുന്നില്ല

ഇവിടെ...
അറുപത്തിനാല് പടവുകള്‍ കയറിയാല്‍
പള്ളിമുറ്റമാണ്

നീല ബ്ലൌസിട്ട പെണ്‍കുട്ടി-

ഒപ്പം, ദൂരെ പുഴ ഒഴുകുന്നത്
നോക്കിയിരുന്നതോര്‍ത്ത്,

ഒന്നിച്ചു പുഴ കടന്നതോര്‍ത്ത്

അവളുടെ ചുണ്ടിലെ മുറിപ്പാടിന്റെ
നൊമ്പരവുമോര്‍ത്തോത്തിരുന്ന
നാളുകളെ കുറിച്ചായിരുന്നുവല്ലോ
നിന്റെ സംസാരമൊക്കെയും

ആരാണ് സൌഹൃദങ്ങള്‍ക്ക് കടലാസ് പൂക്കളുടെ
മണമാണ് എന്നു പറഞ്ഞത്

നീ അടുത്തുവരുമ്പോള്‍ പനിനീര്‍ മണം

ഒരുപക്ഷെ നീ വരുമ്പോള്‍ മാത്രം
അല്ല... അതു മാത്രമാണ്